„ერთიანი ნაციონალური მოძრაობის“ წევრებმა ბათუმის საკრებულოს სხდომა პროტესტის ნიშნად დატოვეს
ბათუმის საკრებულოს სხდომა “ერთიანი ნაციონალური მოძრაობის” წევრებმა პროტესტის ნიშნად დატოვეს.
მათი განცხადებით, ქართველი ხალხის არჩევანი ევროპაა და არა დიქტატურა.
„ერთიანი ნაციონალური მოძრაობის“ წევრებმა „ქართული ოცნება“ საპარლამენტო არჩევნების გაყალბებაში დაადანაშაულეს.
„ევროკავშირის გაწევრიანების პროცესი იქნება შეჩერებული, თქვეს რომ საქართველო ევროკავშირის ღირებულებებთან დაშორებას განაგრძობს. მოვედით რომ შეგახსენოთ, ჩვენ გვინდა ევროპაში და დიქტატურა არ არის ამ ქვეყნის მომავალი“, - აღნიშნა რეზო ხარაზმა.
თავის მხრივ, “ქართული ოცნების” წევრებმა ოპოზიციას მოუწოდეს, რომ არჩევნებში დამარცხება აღიარონ.
„თქვენ უფრო ხელფასების გამო იყავით მოსული, რომ დაგერიცხოთ…რა განცხადებებს აკეთებთ?! დიახ, ხელფასის გარდა სხვა ფანტაზია არ აქვთ, დამარცხდით და აღიარეთ! ღირსეულად მოგიგეთ და ღირსეულად დაგდეთ ბეჭებზე”, - მიმართეს უმრავლესობის წევრებმა.
