აშშ-ის მთავრობის კიბერუსაფრთხოების სააგენტოს ხელმძღვანელის, ჯენ ისტერლის განცხადებით, რამდენიმე შტატში ბომბის არსებობის საფრთხის შესახებ ელექტრონული წერილები რუსული ელ.ფოსტის დომენებიდან იყო გაგზავნილი, თუმცა ამ დროისთვის გაურკვეველია, იყვნენ თუ არა გამომგზავავნები რუსები, - ინფორმაციას Associated Press-ი ავრცელებს.

ისტერლიმ ჟურნალისტებს განუცხადა, რომ საკითხი ჯერ კიდევ გამოძიების პროცესშია და გამომგზავნის ვინაობა უცნობია.

მანამდე, აშშ-ის ფედერალურმა საგამოძიებო ბიურომ განაცხადა, რომ ბომბის საფრთხის შესახებ ელექტრონული წერილები ჯორჯიასა და კიდევ რამდენიმე შტატში გაიგზავნა. ჯენ ისტერლის განცხადებით, აღნიშნულ შეტყობინებებს ამომრჩევლების ხმის მიცემის შესაძლებლობაზე გავლენა არ მოუხდენია.