კამალა ჰარისი დღეს ღამით მხარდამჭერებს არ მიმართავს, - ამის შესახებ „დემოკრატიული პარტიის“ აშშ-ის პრეზიდენტობის კანდიდატის, კამალა ჰარისის საარჩევნო კამპანიის თანათავმჯდომარემ, სედრიკ რიჩმონდმა განაცხადა.

„ხმები ჯერ კიდევ დასათვლელია. არის შტატები, რომელთა შედეგები ჯერ არ გამოცხადებულა“, - განაცხადა სედრიკ რიჩმონდმა.

მისივე თქმით, კამპანია ბრძოლას გააგრძელებს, რათა „ყველა ხმის დათვლა მოხდეს“.

სედრიკ რიჩმონდმა მხარდამჭერებსა და საარჩევნო კამპანიის თანამშრომლებს მადლობა გადაუხადა.