უკრაინაში რუსეთის სრულმასშტაბიანი შეჭრის მე-1000 დღესთან დაკავშირებით 19 ნოემბერს ევროპარლამენტში რიგგარეშე სხდომა გაიმართება, - ამის შესახებ ინფორმაციას ევროპარლამენტის პრეზიდენტი, რობერტა მეცოლა სოციალურ ქსელში ავრცელებს.

„იმდენ ხანს, რამდენიც საჭიროა. ვამაყობ, რომ უკრაინელი ხალხის სიმამაცისა და გამბედაობის 1000 დღის აღსანიშნავად, სამშაბათს, 19 ნოემბერს ევროპარლამენტის რიგგარეშე პლენარული სხდომის ჩატარების შესახებ ვაცხადებ“, - წერს რობერტა მეცოლა.

რობერტა მეცოლას ცნობით, რიგგარეშე სხდომაზე ევროპარლამენტარებს უკრაინიდან ვოლოდიმირ ზელენსკი მიმართავს.