ბრძოლა გაგრძელდება, არც შეწყვეტილა. მეტიც - მასშტაბი და ინტენსივობა გაიზრდება, - ამის შესახებ "კოალიცია ცვლილებისთვის" ლიდერმა ნიკა მელიამ ჭავჭავაძის გამზირზე აქციის მონაწილეების დაშლის შემდეგ განაცხადა.

მელიას თქმით, ბრძოლა მძლავრ პროტესტად გარდაიქმნება.

"ბრძოლა გაგრძელდება, არც შეწყვეტილა. მეტიც - მასშტაბის ინტენსივობა გაიზრდება. არ მგონია, ეს კითხვის ნიშნებს იწვევდეს. ეს ბრძოლა განვითარდება და გარდაიქმნება კიდევ უფრო მძლავრ პროტესტად", - განაცხადა ნიკა მელიამ.

ცნობისთვის, თსუ-ს პირველი კორპუსის მიმდებარე ტერიტორია ამ დროისთვის სრულად სამართალდამცავებს უკავიათ. საპოლიციო ძალები, მათ შორის სპეცრაზმი განთავსებულია, როგორც ჭავჭავაძის გამზირის დასაწყისში, ისე ვარაზისხევზე, კეკელიძის ქუჩასა და მელიქიშვილის გამზირზე.

ტერიტორია, სადაც 2 დღის განმავლობაში საპროტესტო აქცია მიმდინარეობდა და კარვები იყო გაშლილი, ამ დროისთვის სრულად გაწმენდილია - სამართალდამცავებმა მომიტინგეები რუსთაველის გამზირის მიმართულებით გაიყვანეს, კარვები კი დაშალეს.