რუსულმა ძალებმა სუმს დრონებით შეუტიეს, დაიღუპა 2 და დაშავდა 12 ადამიანი
უკრაინის ქალაქ სუმში რამდენიმე ძლიერი აფეთქება მოხდა, რის შედეგადაც ორი ადამიანი დაიღუპა და 12 დაშავდა, - ინფორმაციას უკრაინული მედია სუმის საოლქო-სამხედრო ადმინისტრაციაზე დაყრდნობით ავრცელებს.
მათივე ინფორმაციით, რუსულმა ძალებმა ქალაქს უპილოტო საფრენი აპარატებით შეუტიეს.
„მტერმა „შაჰიდის“ ტიპის უპილოტო საფრენი აპარატებით რეგიონული ცენტრის საცხოვრებელ მიკრორაიონს შეუტია“, - აცხადებენ საოლქო-სამხედრო ადმინისტრაციაში.
წუხელ, უკრაინის საჰაერო ძალებმა გაავრცელა ინფორმაცია, რომ რუსული უპილოტო საფრენი აპარატები ქალაქ სუმისკენ მიემართებოდნენ.
