ჩინეთის საგარეო საქმეთა სამინისტრო ჩინეთიდან აშშ-ში შეტანილ პროდუქციაზე დამატებით 10%-იანი ტარიფის დაწესების შესახებ აშშ-ის პრეზიდენტის, დონალდ ტრამპის განცხადებას ეხმაურება და აცხადებს, რომ სავაჭრო ომს ვერავინ მოიგებს, - ამის შესახებ ინფორმაციას BBC-ი ავრცელებს.

„ჩინეთი არის ერთ-ერთი ქვეყანა, რომელსაც აქვს ყველაზე მკაცრი და სრულყოფილი ნარკოპოლიტიკა მსოფლიოში. ფენტანილი, უპირველეს ყოვლისა, შეერთებული შტატების პრობლემაა“, - განაცხადა ჩინეთის საგარეო საქმეთა სამინისტროს პრესსპიკერმა.

შეგახსენებთ, აშშ-ის პრეზიდენტმა, დონალდ ტრამპმა განაცხადა, რომ ჩინეთიდან იმპორტირებულ ყველა პროდუქტზე დამატებით, 10%-იანი ტარიფი დაწესდება მანამ, სანამ მისი მთავრობა ქვეყნიდან სინთეზური ოპიოიდური ფენტანილის კონტრაბანდას არ დაბლოკავს.