ეს, რაც ივანიშვილმა გააკეთა, ჩვეულებრივად, სახელმწიფოს გადატრიალებაა - ეს ადამიანები [სამართალდამცავები] იცავენ რუსეთს, - ამის შესახებ "ერთიანობა-ნაციონალური მოძრაობის" ერთ-ერთმა ლიდერმა, ხატია დეკანოიძემ საკანონმდებლო ორგანოსთან მიმდებარე აქციაზე განაცხადა.

მისივე თქმით, "ყველა, ვინც ივანიშვილს იცავს, რუსია".

"საერთოდ, ეს, რაც ივანიშვილმა გააკეთა, ჩვეულებრივად, სახელმწიფოს გადატრიალებაა. ეს არის საქართველოს ყველანაირი ინტერესის დარღვევა და ეს ადამიანები იცავენ რუსეთს. ყველა, ვინც ივანიშვილს იცავს, რუსია. ეს არის, მეტი არაფერი.

რაც შეეხება [სპეცრაზმის] ნიშნებს და არაიდენტიფიცირებულობას, ამათ არაფერი აღარ აინტერესებთ, აღარც ნიშანი და აღარც ნომერი. ეს არის რუსული გადატრიალება და ესენი რუსეთს იცავენ. ეს ხდება დღეს", - აღნიშნა დეკანოიძემ.