Reuters - სირიის შეიარაღებული ძალები ამბოხებულების ალეპოში შესვლას ადასტურებს
სირიის შეიარაღებული ძალები ამბოხებულების ალეპოში შესვლას ადასტურებს, - ამის შესახებ ინფორმაციას სააგენტო Reuters-ი სირიის არმიაზე დაყრდნობით ავრცელებს.
„ტერორისტების დიდმა რაოდენობამ და საბრძოლო ფრონტების სიმრავლემ ჩვენ შეიარაღებულ ძალებს ხელახალი გადაჯგუფების ოპერაციის ჩატარება აიძულა, რომელიც მიზნად თავდაცვის ხაზების გაძლიერებასა და კონტრშეტევისთვის მომზადებას ისახავს“, - აცხადებს სირიის შეიარაღებული ძალები.
სირიის შეიარაღებული ძალების ცნობით, ბოლო რამდენიმე დღის განმავლობაში ალეპოსა და იდლიბში ამბოხებულების წინააღმდეგ ბრძოლის შედეგად ათეულობით ჯარისკაცი დაიღუპა.
ცნობისთვის, ეს სირიის შეიარაღებული ძალების მიერ გავრცელებული პირველი განცხადებაა მას შემდეგ, რაც სირიელმა ამბოხებულებმა, ისლამისტური დაჯგუფება „ჰაიათ თაჰრირ ალ-შამის“ მეთაურობით, რამდენიმე დღის წინ მოულოდნელი შეტევა დაიწყეს.
