SANA - სირიაში საერთაშორისო ფრენები მომავალი კვირიდან განახლდება
სირიაში საერთაშორისო ფრენები მომავალი კვირიდან განახლდება, - ამის შესახებ ინფორმაციას სირიის სახელმწიფო საინფორმაციო სააგენტო SANA ავრცელებს.
„ვაცხადებთ, რომ სამშაბათიდან დამასკოს აეროპორტში საერთაშორისო ფრენები განახლდება“, - განაცხადა სირიის სამოქალაქო ავიაციისა და საჰაერო ტრანსპორტის სამსახურის ხელმძღვანელმა, აშად ალ-სალიბიმ.
მისი თქმით, პარტნიორების დახმარებით ალეპოსა და დამასკოს აეროპორტების სრული რეაბილიტაცია მიმდინარეობს.
ცნობისთვის, სირიაში შიდა ფრენები უკვე განახლდა.
