სისხლის სამართლის საერთაშორისო სასამართლოს წინააღმდეგ სანქციების დაწესებასთან დაკავშირებით აშშ-ის პრეზიდენტ დონალდ ტრამპის გადაწყვეტილება აბსოლუტურად გასაგებია, - ამის შესახებ უნგრეთის საგარეო საქმეთა მინისტრმა, პიტერ სიიარტომ განაცხადა.

მისი მტკიცებით, სისხლის სამართლის საერთაშორისო სასამართლომ საკუთარი თავი გადააქცია მიკერძოებულ პოლიტიკურ ინსტრუმენტად, რომელიც მთელი საერთაშორისო სასამართლო სისტემის დისკრედიტაციას ახდენს.

„მისი გადაწყვეტილებები მხოლოდ აღრმავებს გაურკვევლობას მსოფლიოს ისედაც პრობლემურ რეგიონებში“, - აღნიშნა სიიარტომ.

მისი თქმით, უნგრეთი ასევე გადახედავს სისხლის სამართლის საერთაშორისო სასამართლოსთან თანამშრომლობის საკითხს.