კლინიკა „ვივამედის“ კლინიკური დირექტორის, ზურაბ ჩხაიძის განცხადებით, „ბათუმელების“ და „ნეტგაზეთის” დამფუძნებლის, მზია ამაღლობელის ჯანმრთელობის მდგომარეობა იგივე რჩება და განმეორებითი ლაბორატორიული კვლევები უტარდება.

როგორც ჩხაიძემ აღნიშნა, მზია ამაღლობელი ექიმების მიერ გაცემულ რეკომენდაციებს ითვალისწინებს.

„მზია ამაღლობელის [ჯანმრთელობის] მდგომარეობა იგივე რჩება. სასიცოცხლო პარამეტრები ნორმის ფარგლებში რჩება, მზია ამაღლობელი სამედიცინო მონიტორინგის ქვეშ იმყოფება. ის ასრულებს რეკომენდაციებს, რაც ექიმების მიერ გაცემულია. მას ასევე უტარდება დამატებითი, განმეორებითი ლაბორატორიული კვლევები“, - განაცხადა ჩხაიძემ.

ცნობისთვის, სასჯელაღსრულების დაწესებულებიდან მზია ამაღლობელი კლინიკა „ვივამედში“ თავდაპირველად სამედიცინო კვლევების ჩატარების მიზნით გადაიყვანეს. მზია ამაღლობელი უკვე 29-ე დღეა შიმშილობს.