30-31 მარტსა და 1-ელ აპრილს ისლამური სამყარო ორი უდიდესი დღესასწაულიდან ერთ-ერთს, რამადან ბაირამს (იდ ალ-ფიტრი) აღნიშნავს, რაც ნიშნავს მარხვის დასრულების, ხსნილის დღესასწაულს, რომელიც წმინდა რამადანის თვის დამთავრების შემდეგ აღინიშნება. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

მათივე ცნობით, რამადან-ბაირამის დროს მუსლიმები ასრულებენ სადღესასწაულო ლოცვას, ამზადებენ ტრადიციულ კერძებს, გასცემენ მოწყალებას, არიგებენ საჩუქრებს, სტუმრად მიდიან მეგობრებთან და ნათესავებთან, შლიან დიდ საზეიმო სუფრებს.

„ამდენად, რამადან ბაირამი შერიგების, ერთიანობის, გაძლიერების და ძმობის დღესასწაულია.

რელიგიის საკითხთა სახელმწიფო სააგენტო ულოცავს ყველა მუსლიმს ამ უდიდეს დღესასწაულს, წარმატებებს, სიკეთეს და მშვიდობას უსურვებს მათ“, - ნათქვამია ინფორმაციაში.