აშშ-ის პრეზიდენტის, დონალდ ტრამპის განცხადებით, უახლოეს მომავალში, სავარაუდოდ, საუდის არაბეთს, კატარსა და არაბთა გაერთიანებულ საამიროებს ეწვევა, - ინფორმაციას CNN-ი ავრცელებს.

„ეს შეიძლება იყოს შემდეგ თვეში, შესაძლოა ცოტა მოგვიანებით. ჩვენ მივდივართ კატარში და ასევე, შესაძლოა, კიდევ რამდენიმე ქვეყანაში. არაბთა გაერთიანებული საემიროები ძალიან მნიშვნელოვანია. ალბათ, შევჩერდებით არაბთა გაერთიანებულ საამიროებზე, კატარსა და საუდის არაბეთზე და შემდეგ ჩვენ წავალთ სხვა ადგილებში, მაგრამ ახლო აღმოსავლეთში, როგორც ჩანს, ეს სამია“, - აღნიშნა ტრამპმა.

მისი თქმით, ბოლოს, როცა საუდის არაბეთს ეწვია, სიაში პირველ ადგილზე დააყენა, რადგან დათანხმდნენ 450 მილიარდი აშშ დოლარის ღირებულების ამერიკული საქონლის შეძენაზე.

„მე დავთანხმდი ამის გაკეთებას კიდევ ერთხელ, მაგრამ ისინი დათანხმდნენ, დახარჯონ დაახლოებით ტრილიონი დოლარი ჩვენს ამერიკულ კომპანიებში, რაც ჩემთვის ნიშნავს სამუშაო ადგილებს“, - აღნიშნა ტრამპმა.