უკრაინის პრემიერ-მინისტრმა დენის შმიგალმა და საგარეო საქმეთა და უსაფრთხოების საკითხებში ევროკავშირის უმაღლეს წარმომადგენელმა, კაია კალასმა ბრიუსელში გამართულ შეხვედრაზე უკრაინის გადაუდებელი თავდაცვის საჭიროებები განიხილეს, - ამის შესახებ შმიგალი სოციალურ პლატფორმა X-ზე წერს.

„პროდუქტიული შეხვედრა მქონდა ბრიუსელში საგარეო საქმეთა და უსაფრთხოების საკითხებში ევროკავშირის უმაღლეს წარმომადგენელთან, კაია კალასთან. განვიხილეთ უკრაინის გადაუდებელი თავდაცვის საჭიროებები. მადლობა გადავუხადე კაია კალასს მისი ინიციატივისთვის, გამოეყო 40 მილიარდი ევრო და გაეზარდა ევროკავშირის სამხედრო მხარდაჭერა. ასევე ხაზი გავუსვი, თუ რამდენად მნიშვნელოვანია 2 მილიონი საარტილერიო ჭურვის შეძენა უკრაინისთვის. ასევე მნიშვნელოვანია SAFE ინსტრუმენტის გაშვების დაჩქარება და ReArm Europe Plan-ის განხორციელების დაჩქარება“, - წერს უკრაინის პრემიერი.

მისი თქმით, შეხვედრაზე ხაზი გაუსვა რუსეთის წინააღმდეგ სანქციების გამკაცრების აუცილებლობას.

„ხაზი გავუსვი რუსეთის წინააღმდეგ სანქციების გამკაცრების აუცილებლობას, მათ შორის ჩრდილოვანი ფლოტის წინააღმდეგ და ასევე კონტროლის გამკაცრებას მესამე ქვეყნების მეშვეობით სანქციებისთვის გვერდის ავლაზე. კიდევ ერთხელ დავადასტურეთ ჩვენი საერთო ხედვა: სამართლიანობის გარეშე მშვიდობა არ იქნება. უკრაინასთან დაკავშირებული გადაწყვეტილებების მიღება უკრაინის გარეშე არ მოხდება“, - წერს დენის შმიგალი.