რუსებმა დნეპროპეტროვსკის ოლქის ქალაქი ნიკოპოლი არტილერიით დაბომბეს, რის შედეგადაც ორი ადამიანი დაიღუპა და ხუთი დაშავდა, - ინფორმაციას უკრაინული მედია ავრცელებს.

„ნიკოპოლში დაიღუპა ორი მამაკაცი, 56 და 61 წლის. ისინი რუსებმა ქალაქის მძიმე არტილერიით დაბომბვის შედეგად მოკლეს“, - განაცხადა დნეპროპეტროვსკის საოლქო-სამხედრო ადმინისტრაციის ხელმძღვანელმა, სერგეი ლისაკმა.

მისი თქმით, ხუთი დაშავებულიდან ოთხის მდგომარეობა მძიმეა.

თავდასხმის შედეგად ხანძარი გაჩნდა. დაზიანდა მაღაზია, კაფე, კერძო სახლები, დამხმარე შენობები, ავტოსადგომი და ავტობუსის გაჩერება.