ისრაელში კვლავ მასშტაბურ ტყის ხანძრებს ებრძვიან. ადგილობრივი პოლიციის ინფორმაციით, ხანძარმა ქვეყნის დედაქალაქ იერუსალიმამდე მიაღწია. სტიქიის გამო ქალაქიდან გასასვლელი რამდენიმე მაგისტრალი კვლავ ბლოკირებულია.

ხანძრის სალიკვიდაციო სამუშაოებში 163 სახანძრო ჯგუფი და 12 თვითმფრინავია ჩართული. ისრაელის საზოგადოებრივი მაუწყებლის ინფორმაციით, სალიკვიდაციო სამუშაოების დროს 17 მეხანძრე დაშავდა. ჯამში დაშავებულია 22 ადამიანი.

ძლიერი ხანძარი ოთხშაბათს იერუსალიმთან ახლოს, ეშტაოლის ტყეში გაჩნდა, რის შედეგადაც რამდენიმე დასახლებიდან მოსახლეობის ევაკუაცია გახდა საჭირო.

Euronews-ის ცნობით, იტალია, ხორვატიამ, ესპანეთმა, საფრანგეთმა, რუმინეთმა, ჩრდილოეთ მაკედონიამ და კვიპროსმა ისრაელს ხანძარსაწინააღმდეგო თვითმფრინავი გაუგზავნეს.