რელიგიის სააგენტომ საქველმოქმედო აქცია გამართა
რელიგიის სააგენტომ საქველმოქმედო აქცია გამართა. აღნიშნულის შესახებ ინფორმაციას რელიგიის საკითხთა სახელმწიფო სააგენტო ავრცელებს.
„საქართველოს საპატრიარქოსთან არსებულ წმინდა თამარ მეფის სახელობის სკოლა-გიმნაზიის მოსწავლეებს რელიგიის საკითხთა სახელმწიფო სააგენტოს წარმომადგენლებმა ჰუმანიტარული დახმარება - 50 ცალი სასაჩუქრე და 8 ცალი ტკბილეულის ყუთი გადასცეს.
აქციის ორგანიზატორებს სკოლა-გიმნაზიის დირექტორმა, დეკანოზმა მირიან სამხარაძემ დახმარებისთვის მადლობა გადაუხადა.
აქციაში მონაწილეობდნენ რელიგიის საკითხთა სახელმწიფო სააგენტოს სტრატეგიული კვლევის, ანალიზისა და რეგიონების სამსახურის უფროსი, ნინო ჭავჭავაძე და ლოჯისტიკის მენეჯერი, ლაშა მჭედლიძე“, - აღნიშნულია გავრცელებულ ინფორმაციაში.
