კოსოვო აშშ-დან დეპორტირებული მიგრანტების მიღებას დათანხმდა, - ამის შესახებ ინფორმაციას სააგენტო Reuters-ი კოსოვოს მთავრობის განცხადებაზე დაყრდნობით ავრცელებს.

კოსოვოს მთავრობის განცხადებით, გეგმა წელიწადში აშშ-დან დეპორტირებული 50 ადამიანის მიღებას ითვალისწინებს.

„მთავრობა მზადყოფნას გამოთქვამს ჩაერთოს, შემოთავაზებული სიიდან პირების შერჩევის შესაძლებლობის გათვალისწინებით და იმ პირობით, რომ ისინი კანონის უზენაესობასთან დაკავშირებულ კრიტერიუმებს დააკმაყოფილებენ“, - ნათქვამია განცხადებაში.

ცნობისთვის, გასულ კვირას სააგენტო Bloomberg-მა ინფორმაცია გაავრცელა, რომ აშშ-ის პრეზიდენტის, დონალდ ტრამპის ადმინისტრაცია ბალკანეთის სახელმწიფოებთან აშშ-დან დეპორტირებული მიგრანტების მიღების საკითხს განიხილავდა.