შსს - სასაზღვრო-გამშვებ პუნქტ „დარიალზე“ რუსეთის ფედერაციის მოქალაქეა დაკავებული - ხელბარგის შემოწმების შედეგად, ნივთმტკიცებად ამოღებულია ფსიქოტროპული საშუალება
შინაგან საქმეთა სამინისტროს მცხეთა-მთიანეთის პოლიციის დეპარტამენტის ყაზბეგის რაიონული სამმართველოსა და ფინანსთა სამინისტროს შემოსავლების სამსახურის საბაჟო დეპარტამენტის, საბაჟო გამშვები პუნქტის ყაზბეგის თანამშრომლებმა, სასაზღვრო-გამშვებ პუნქტზე, „დარიალის“ მონაკვეთზე, რუსეთის ფედერაციის მოქალაქე დააკავეს.
ამის შესახებ ინფორმაციას შინაგან საქმეთა სამინისტრო ავრცელებს.
მათი ცნობით, საგამოძიებო მოქმედებების შედეგად, რუსეთის ფედერაციის მოქალაქის ხელბარგიდან ნივთმტკიცებად ფსიქოტროპული საშუალება ამოიღეს.
„შინაგან საქმეთა სამინისტროს მცხეთა-მთიანეთის პოლიციის დეპარტამენტის ყაზბეგის რაიონული სამმართველოსა და ფინანსთა სამინისტროს შემოსავლების სამსახურის საბაჟო დეპარტამენტის, საბაჟო გამშვები პუნქტის ყაზბეგის თანამშრომლებმა, ერთობლივად, კომპლექსურად ჩატარებული ოპერატიული ღონისძიებებისა და საგამოძიებო მოქმედებების შედეგად, რუსეთის ფედერაციის მოქალაქე, 1995 წელს დაბადებული რ.ა. დააკავეს.
სამართალდამცველებმა სასაზღვრო-გამშვებ პუნქტზე „დარიალის“ მონაკვეთზე, უცხო ქვეყნის მოქალაქის ხელბარგის შემოწმების შედეგად, ფსიქოტროპული საშუალება ნივთმტკიცებად ამოიღეს.
პოლიციამ რ.ა. ბრალდებულის სახით დააკავა.
გამოძიება საქართველოს სისხლის სამართლის კოდექსის 263-ე მუხლის პირველი ნაწილით მიმდინარეობს. დანაშაული 5 წლამდე ვადით თავისუფლების აღკვეთას ითვალისწინებს“,- ნათქვამია ინფორმაციაში.
