აშშ-ის პრეზიდენტი დონალდ ტრამპი სექტემბერში პაკისტანს ეწვევა, - ინფორმაციას პაკისტანური მედიასაშუალებები ავრცელებენ.

მათივე ცნობით, ტრამპი სექტემბერში ისლამაბადში ჩასვლის შემდეგ ინდოეთშიც ჩავა. პაკისტანის საგარეო საქმეთა სამინისტროს ტრამპის მოსალოდნელ ვიზიტთან დაკავშირებით ოფიციალური კომენტარი ჯერ არ გაუკეთებია.

Reuters წერს, რომ თუ აღნიშნული ინფორმაცია დადასტურდება, ეს ბოლო 2 ათწლეულის განმავლობაში პაკისტანში აშშ-ის პრეზიდენტის პირველი ვიზიტი იქნება.

ცნობისთვის, პაკისტანს ბოლოს ამერიკის პრეზიდენტი ჯორჯ ბუში 2006 წელს ეწვია.