ადიგენის მუნიციპალიტეტში, უხვმა ნალექმა სერიოზული პრობლემები შექმნა.

ადიგენის მუნიციპალიტეტის მერიის ცნობით, რამდენიმე სოფელში დაიტბორა და დაზიანდა საცხოვრებელი სახლები, საქონლის სადგომები, დახოცილია პირუტყვი, დაზიანებულია საგზაო ინფრასტრუქტურა, განადგურებულია სასოფლო-სამეურნეო სავარგულები.

მათივე ცნობით, სტიქიის შედეგად დაზარალებული ოჯახები, რომელთა საცხოვრებელი სახლები დაზიანდა, გაყვანილია უსაფრთხო ადგილზე.

„ვითარებას ადგილზე ადიგენის მუნიციპალიტეტის მერი გოჩა ქიმაძე, პირველი მოადგილე არსენ ბალახაშვილი მერიისა და საკრებულოს წარმომადგენლებთან ერთად ეცნობა.

სტიქიის ზონაში მუშაობს სპეციალური ტექნიკა და ყველა შესაბამისი უწყების წარმომადგენელი,“ - აღნიშნულია ინფორმაციაში.