სირიის ქალაქ სვეიდაში შეიარაღებული დაჯგუფებები თავს დაესხნენ უსაფრთხოების ძალების პერსონალს, რის შედეგადაც ერთი ადამიანი დაიღუპა. ინფორმაციას სირიის სახელმწიფო ტელევიზია ავრცელებს.

მათივე ცნობით, თავდამსხმელებმა ჭურვები ესროლეს რამდენიმე სოფელს. ვრცელდება ინფორმაცია რამდენიმე დაშავებულის შესახებ.

როგორც Reuters-ი წერს, სვეიდაში ძალადობა 13 ივლისს დაიწყო მებრძოლებსა და ადგილობრივ რელიგიურ უმცირესობა დრუზების დაჯგუფებებს შორის. ბრძოლის ჩასახშობად სამთავრობო ძალები გაიგზავნენ, მაგრამ სისხლისღვრა კიდევ უფრო გამწვავდა და ისრაელმა დრუზების დასაცავად სირიის ჯარებზე საჰაერო დარტყმები განახორციელა.