ტრამპი კიევზე დარტყმით ბედნიერი არ იყო, მაგრამ არც გაკვირვებული, ვფიქრობ, ის ამ საკითხზე დამატებით განცხადებებს მოგვიანებით გააკეთებს, - ამის შესახებ თეთრი სახლის პრესსპიკერმა, კაროლინ ლევიტმა ბრიფინგზე განაცხადა.

“ვიცი, პრეზიდენტი რას ფიქრობს, ვინაიდან ამაზე ვესაუბრე. ის ბედნიერი არ იყო ამ ამბით, მაგრამ გაკვირვებულიც არ იყო. ეს ორი ქვეყანაა, რომელიც დიდი ხანი არიან ერთმანეთთან ომში. რუსეთმა ეს თავდასხმა განახორციელა კიევზე და უკრაინამ აგრეთვე ცოტა ხნის წინ დარტყმა მიიტანა რუსეთის ნავთობგადამამუშავებელ ქარხნებზე. მათ ფაქტობრივად რუსეთის ნავთობგადამამუშავებელი შესაძლებლობების 20% გაანადგურეს თავისი დარტყმებით აგვისტოს განმავლობაში. ასე რომ, პრეზიდენტი აგრძელებს ამაზე ყურადღებით დაკვირვებას და ეს მკვლელობები, სამწუხაროდ, გაგრძელდება მანამ, სანამ ომი მიმდინარეობს. სწორედ ამიტომ პრეზიდენტს სურს ამის დასრულება…შესაძლოა, ამ ომის ორივე მხარე თავად არ არიან მზად ამ ომის დასრულებისთვის, მაგრამ პრეზიდენტს ამის დასრულება სურს და ამ ორი ქვეყნის პრეზიდენტებსაც ასევე უნდა სურდეთ ამის დასრულება. ვფიქრობ, პრეზიდენტი ამ საკითხზე დამატებით განცხადებებს მოგვიანებით გააკეთებს”, - განაცხადა ლევიტმა.