რუსულმა ძალებმა 29 აგვისტოს ღამეს უკრაინას 68 დრონით შეუტიეს, - ინფორმაციას უკრაინული მედია ქვეყნის თავდაცვის ძალების საჰაერო ძალებზე დაყრდნობით ავრცელებს.

მათივე ინფორმაციით, საჰაერო თავდაცვის ძალებმა ქვეყნის ჩრდილოეთით და აღმოსავლეთით მტრის 46 დრონი გაანეიტრალეს.

ამასთან, 22 უპილოტო საფრენი აპარატით დარტყმა დონეცკისა და დნეპროპეტროვსკის ოლქებში 9 ლოკაციაზე დაფიქსირდა.

რუსეთის საჰაერო შეტევა მოიგერიეს ავიაციამ, საზენიტო-სარაკეტო ჯარებმა, რადიოელექტრონული ბრძოლის და უპილოტო სისტემების ქვედანაყოფებმა, ასევე უკრაინის თავდაცვის ძალების მობილურმა საცეცხლე ჯგუფებმა.