იაპონიის პრემიერ-მინისტრი თანამდებობას ტოვებს
იაპონიის პრემიერ-მინისტრმა, შიგერუ იშიბამ განაცხადა, რომ თანამდებობას ტოვებს.
მედიის ინფორმაციით, შიგერუ იშიბამ ეს გადაწყვეტილება „ლიბერალურ-დემოკრატიულ პარტიაში“ განხეთქილების თავიდან ასაცილებლად მიიღო, რადგან მოუწოდებდნენ, ძირითადად მემარჯვენე ოპონენტები, რომ ზედა პალატის ივლისში გამართულ არჩევნებში კატასტროფული მარცხისთვის პასუხისმგებლობა აეღო.
იშიბამ განაცხადა, რომ დაიწყებდა პარტიის ლიდერის არჩევნების ჩატარების პროცესს მისი შემცვლელის ასარჩევად.
შეგახსენებთ, შიგერუ იშიბამ იაპონიის პრემიერის თანამდებობა ოქტომბერში დაიკავა. ივლისში გამართულ საპარლამენტო არჩევნებში იშიბას მმართველმა კოალიციამ 248-ადგილიან ზედა პალატაში უმრავლესობის მოპოვება ვერ შეძლო, რამაც მისი მთავრობის სტაბილურობა კიდევ უფრო შეარყია.
