ცოტა ხნის წინ ურსულა ფონ დერ ლაიენი „კინაღამ მოვკალით“ - თქვეს, რომ რუსეთმა GPS „გამორთო“, შემდეგ კი ეს სისულელე თავად ევროკავშირის წარმომადგენლებმა უარყვეს, - ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.

„ცოტა ხნის წინ ურსულა ფონ დერ ლაიენი „კინაღამ მოვკალით“, როდესაც ის თვითმფრინავით თუ ვერტმფრენით სხვადასხვა ქვეყანაში დაფრინავდა, რათა ისინი ჩვენი ქვეყნის წინააღმდეგ განეწყო. უცებ თქვეს, რომ რუსეთმა GPS „გამორთო“ და თვითმფრინავი ან ვერტმფრენი შეიძლება ჩამოვარდნილიყო. შემდეგ კი ეს სისულელე თავად ევროკავშირის წარმომადგენლებმა უარყვეს“, - განაცხადა სერგეი ლავროვმა.

შეგახსენებთ, გასულ კვირას Financial Times-მა ინფორმაცია გაავრცელა, რომ ევროკომისიის პრეზიდენტის, ურსულა ფონ დერ ლაიენის თვითმფრინავი, ბულგარეთის აეროპორტში ქაღალდის რუკების გამოყენებით დაეშვა. ამის მიზეზი კი, სავარაუდოდ, რუსეთის მხრიდან ჩარევის შედეგად აეროპორტში GPS ნავიგაციის სერვისების გათიშვა გახდა.

მოგვიანებით, მომხდარის შესახებ გავრცელებული ინფორმაცია ევროკომისიის პრესსპიკერმაც დაადასტურა.