აქციის მონაწილეები, რომლებიც მელიქიშვილის გამზირზე, კახა კალაძის საარჩევნო შტაბთან იყვნენ შეკრებილები, მსვლელობით რუსთაველის გამზირისკენ მიდიან.

შტაბთან ისმოდა შეძახილები: “რუსებო!”, “ცეცხლი ოლიგარქიას!”. ასევე მომიტინგეები სკანდირებდნენ - “რევოლუცია, რევოლუცია!”.

აქციის მონაწილეებმა თბილისის მერის, „ქართული ოცნების“ მერობის კანდიდატის, კახა კალაძის საარჩევნო ბანერს “კოკა-კოლა შეასხეს. ასევე, დატოვეს წარწერები: “რუსული ოცნება”.

მათ მარშამდე საქართველოს ეროვნული ჰიმნი შეასრულეს. ამასთან, მათ შტაბში შესასვლელი კარები რკინის ჯებირებით ჩახერგეს.

მსვლელობის მონაწილეებს თან მიჰყვება პოლიცია. სამართალდამცველები აქციის მონაწილეებს მოუწოდებს, გადავიდნენ გზის სავალი ნაწილიდან, რათა საავტომობილო მოძრაობა აღდგეს.