ევროკავშირმა მოლდოვის კანონმდებლობის სკრინინგის პროცესი დაასრულა, - ამის შესახებ ევროკომისარი გაფართოების საკითხებში, მარტა კოსი X-ზე წერს.

„დღეს მოლდოვის რესპუბლიკამ ევროკავშირისკენ მიმავალ გზაზე კიდევ ერთ მნიშვნელოვან ეტაპს მიაღწია. ერთ წელზე ოდნავ მეტი ხნის განმავლობაში მოლდოვამ კანონმდებლობის სკრინინგის პროცესი დაასრულა. მოლდოვა კიდევ ერთხელ აჩვენებს, რომ ევროკავშირში გაწევრიანების შემდეგი ეტაპისთვის მზად არის“, - წერს მარტა კოსი.

სკრინინგის პროცესის დასრულების შესახებ ევროინტეგრაციის საკითხებში მოლდოვის ვიცე-პრემიერმა, კრისტინა გერასიმოვმაც განაცხადა.

მისი თქმით, მოლდოვამ კანონმდებლობის სკრინინგის პროცესი 15 თვეში დაასრულა და ამ დროის განმავლობაში „საკანონმდებლო დოკუმენტების 100 000-ზე მეტი გვერდის“ განხილვა მოხდა.