გაერო-ს უშიშროების საბჭომ ირანის წინააღმდეგ სანქციების გადავადებას მხარი არ დაუჭირა, - ინფორმაციას Reuters-ი ავრცელებს.

რუსეთისა და ჩინეთის რეზოლუციას, რომელიც ირანის წინააღმდეგ სანქციების ხელახლა დაწესების ექვსი თვით გადავადებას ითვალისწინებდა, გაერო-ს უშიშროების საბჭოში მხარი მხოლოდ ოთხმა სახელმწიფომ დაუჭირა.

კენჭისყრის შემდეგ გაერო-ში დიდი ბრიტანეთის წარმომადგენელმა, ბარბარა ვუდმა განაცხადა, რომ „საბჭოს არ აქვს აუცილებელი გარანტია, რომ სწრაფი დიპლომატიური გადაწყვეტისთვის მკაფიო გზა არსებობს“.

გასულ თვეში საფრანგეთმა, გერმანიამ და დიდმა ბრიტანეთმა ირანის წინააღმდეგ სანქციების აღდგენის მექანიზმი აამოქმედეს, რადგან, მათი განცხადებით, თეირანი ბირთვული პროგრამის შესახებ შეთანხმებას არღვევს. 19 სექტემბერს გაერო-ს უშიშროების საბჭომ სანქციების აღდგენის გადავადების შესახებ რეზოლუციის პროექტის მიღება ვერ შეძლო.

ირანის წინააღმდეგ სანქციები ძალაში 28 სექტემბრიდან შევა.