აშშ-ის ცენტრალური სარდლობა - აშშ-მა ირანში მიმდინარე ოპერაციის ფარგლებში 3000-ზე მეტ სამიზნეს დაარტყა
აშშ-მა ირანში მიმდინარე ოპერაციის ფარგლებში 3000-ზე მეტ სამიზნეს დაარტყა, - ინფორმაციას აშშ-ის ცენტრალური სარდლობა ავრცელებს.
აშშ-ის ცენტრალური სარდლობის განცხადებით, დარტყმების განხორციელებისას უპირატესობა ენიჭება „იმ ადგილებს, რომლებიც გარდაუვალ საფრთხეს წარმოადგენენ“ და მიზანი „ირანის რეჟიმის უსაფრთხოების აპარატის ჩამოშლაა“.
მათივე ცნობით, ბოლო ერთ კვირაში ირანის ბალისტიკური რაკეტების საცავებსა და ირანის „ისლამური რევოლუციის გუშაგთა კორპუსის“ სამეთაურო ცენტრებს დაარტყეს.
ასევე, ცენტრალური სარდლობის ინფორმაციით, სარაკეტო დარტყმების შედეგად 43 ირანული გემი „დაზიანდა ან განადგურდა“.
