ილიას სახელმწიფო უნივერსიტეტთან აქცია „დაიცავი განათლება“ მიმდინარეობს
ილიას სახელმწიფო უნივერსიტეტის A კორპუსთან აქცია “დაიცავი განათლება” მიმდინარეობს.
ადგილზე შეკრებილები განათლების სამინისტროს მიერ დაანონსებულ რეფორმას და უნივერსიტეტში სხვადასხვა მიმართულების პროგრამების გაუქმებას აპროტესტებენ.
აქციის მონაწილეები სკანდირებენ: “მიქანაძის რეფორმა ჩვენთვის არის დეფორმა”; “დაიცავი განათლება, მომავალი ჩვენია”; “ავტონომია უნივერსიტეტს, არჩევანი სტუდენტებს”.
სტუდენტების განცხადებით, ახლა არის დრო, როცა სტუდენტებმა აუდიტორიები უნდა დატოვონ და დაიცვან უნივერსიტეტი.
ამასთან, სტუდენტებს დაგეგმილი აქვთ მსვლელობა, რომელიც ილიას სახელმწიფო უნივერსიტეტის A კორპუსიდან დაიწყება და განათლების სამინისტროსთან დასრულდება.
