“ერთიანი ნაციონალური მოძრაობის“ თავმჯდომარე, თინა ბოკუჩავა და პარტიის საგარეო მდივანი ზურაბ ჭიაბერაშვილი ევროსაბჭოს ადამიანის უფლებათა დაცვის კომისარს, მაიკლ ო’ფლაერტს შეხვდნენ.

ენმ-ს ლიდერის თინა ბოკუჩავას ცნობით, კომისარს თბილისში ვიზიტისა და ევროსაბჭოს საპარლამენტო ასამბლეის კომიტეტებსა და პლენარულ სესიაზე საქართველოს ოკუპირებულ რეგიონებში ადამიანის უფლებათა მდგომარეობის წამოწევისთვის მადლობა გადაუხადეს.

მისივე ინფორმაციით, შეხვედრაზე ხაზი გაესვა „პოლიტიკური პატიმრების საკითხისა და შესაძლო ქიმიური იარაღის გამოყენების ფაქტზე დამოუკიდებელი საგამოძიებო მექანიზმის შექმნის აუცილებლობას“.

ევროსაბჭოს ადამიანის უფლებათა კომისრის წლიური ანგარიში გუშინ, საპარლამენტო ასამბლეამ განიხილა. უახლოეს მომავალში საქართველოსთან დაკავშირებით ვრცელი ანგარიში გამოქვეყნდება.