23 აპრილი წიგნის საერთაშორისო დღედ UNESCO-მ 1995 წელს გამოაცხადა, ხოლო „ბიბლუსი“ 2019 წლიდან შეუერთდა ამ ტრადიციას კამპანიით #აჩუქეწიგნი და წლების განმავლობაში ჩამოაყალიბა როგორც სოციალური აქტივობა. რაც შეეხება ეროვნული ბიბლიოთეკის დირექტორის – გიორგი კეკელიძის ინიციატივას, წიგნის ჩუქების დღის წიგნის ჩუქების თვედ გამოცხადებას, „ბიბლუსმა“ მხარი დაუჭირა და სიხარულით ჩაერთო გამოწვევაში, რომელიც კითხვის და წიგ­ნის ჩუ­ქე­ბის წა­ხა­ლი­სე­ბას ემსახურება.

დღემდე კამპანიაში მონაწილეობა მიიღო ათეულობით კომპანიამ და ორგანიზაციამ, რომლებიც აქტიურად უჭერენ მხარს ხარისხიანი განათლების ხელმისაწვდომობასა და წიგნის კითხვის კულტურის განვითარებას. ყოველწლიურად, მათი ჩართულობა კიდევ უფრო იზრდება, რაც ხაზს უსვამს ინიციატივის მნიშვნელობასა და მასშტაბურობას. ამრიგად, 23 აპრილი - წიგნის ჩუქების დღე გადაიქცა ფართომასშტაბიან საზოგადოებრივ მოძრაობად, რომელშიც კომპანიები, ორგანიზაციები და ინდივიდუალური მონაწილეები გაერთიანდნენ 3 მთავარი მიზნის: წიგნის პოპულარიზაციის, თვითგანვითარებისა და შინაგანი თავისუფლების მოპოვების გარშემო ჰაშთაგით – #აჩუქეწიგნი.

წიგნის ჩუქების თვეს ემთხვევა ტრადიციული „თბილისის წიგნის ბაზრობაც“, რომელიც ლიტერატურის მოყვარულებს „ექსპო ჯორჯიას“ მე-11 პავილიონში 23-26 აპრილს მასპინძლობს. წელს, ღონისძიებაზე კომპანია წარ­მო­გიდ­გენთ 1100-მდე და­სა­ხე­ლე­ბის, სპეციალუ­რად შერ­ჩე­უ­ლ წიგ­ნებს რომ­ლე­ბიც ექსკლუზიურად მხოლოდ „ბიბლუსშია“ ხელმისაწვდომი.

„ბიბ­ლუ­სის“ ციფ­რუ­ლი კა­ტა­ლო­გი იხი­ლეთ ბმულზე.

აღსანიშნავია, რომ კა­ტა­ლოგ­ში წარ­მოდ­გე­ნი­ლია ასორ­ტი­მენ­ტის მხო­ლოდ მცი­რე ნა­წი­ლი, თბილისის წიგნის ბაზრობაზე, „ბიბლუსის“ სტენდთან კი ბევრად მეტი სიურპრიზი გელოდებათ!

(R)