უზენაეს სასამართლოსთან დიუშენის კუნთოვანი დისტროფიის მქონე ბავშვების მხარდასაჭერი აქცია - „მიეცით წამალი ბავშვებს” გაიმართა
უზენაეს სასამართლოსთან დიუშენის კუნთოვანი დისტროფიის მქონე ბავშვების მხარდასაჭერი აქცია „მიეცით წამალი ბავშვებს” გაიმართა.
აქციის მონაწილეებმა კიდევ ერთხელ გაუსვეს ხაზი, რომ შესაბამისი მედიკამენტები ხელს უწყობს სიცოცხლის გახანგრძლივებას და მნიშვნელოვნად აუმჯობესებს ცხოვრების ხარისხს.
მონაწილეები ხელისუფლების მხრიდან გადაწყვეტილებების შეცვლასა და დროულ რეაგირებას მოითხოვენ.
აქციაზე სიტყვით გამოვიდნენ დიუშენის დაავადების მქონე ბავშვების მშობლები, ასევე, საზოგადოებას მიმართა „თავისუფლების მოედნის“ აღმასრულებელი საბჭოს წევრმა რევაზ აფხაზავამაც.
აქციის მონაწილეებმა კიდევ ერთხელ გაუსვეს ხაზი, რომ საკითხი არ არის მხოლოდ ჯანდაცვის პოლიტიკის ნაწილი, ის ეხება ბავშვების სიცოცხლეს, ღირსებასა და მომავალს.
ინფორმაციას „თავისუფლების მოედანი“ ავრცელებს.
