თბილისის საქალაქო სასამართლოში ჟურნალისტ მზია ამაღლობელის სამოქალაქო დავასთან დაკავშირებული სარჩელის განხილვა მიმდინარეობს.

მზია ამაღლობელი სასამართლოში „ქართული ოცნების“ თავმჯდომარეს, პრემიერ-მინისტრ ირაკლი კობახიძეს უჩივის, საჯარო განცხადების დროს, უდანაშაულობის პრეზუმფციის დარღვევისა და პატივისა და ღირსების შელახვის გამო.

მზია ამაღლობელი სასამართლოსგან ითხოვს, რომ ირაკლი კობახიძის მიერ გაკეთებული საჯარო განცხადებები, რომლებიც მზია ამაღლობელთან დაკავშირებით გააკეთა, ცილისმწამებლურად შეფასდეს.

პროცესს ესწრება მზია ამაღლობელიც.

დღევანდელ სხდომაზე, სასამართლო მიიღებს გადაწყვეტილებას, დაიწყება საქმის არსებითი განხილვა, თუ საქმე შეწყდება.