ვოლოდიმირ ზელენსკის შეეძლო რუსეთის პრეზიდენტ ვლადიმერ პუტინისთვის წერილი სხვა გზით გადაეცა და მეგაფონი არ გამოეყენებინა. ამის შესახებ რუსეთის პრეზიდენტის პრესსპიკერმა დიმიტრი პესკოვმა განაცხადა.

„თუ წერილის გადაცემა გსურს, გადაეცი. თუ მეგაფონს იყენებ, ნუ უწოდებ ამას წერილს“, - განაცხადა პესკოვმა.

შეგახსენებთ, უკრაინის პრეზიდენტმა ვოლოდიმირ ზელენსკიმ ვლადიმერ პუტინს ღია წერილით მიმართა და ომის დასრულების შესახებ მოლაპარაკებებისთვის შეხვედრა შესთავაზა. პარასკევს, პუტინმა წერილთან დაკავშირებით კომენტარი გააკეთა და განაცხადა, რომ ის ზელენსკისთან შეხვედრაში ჯერ აზრს ვერ ხედავს.