ცენტრალურ ისრაელში, სროლის შედეგად, 35 წლის მამაკაცი დაიღუპა და ხუთი დაშავდა.

როგორც დასავლური მედია წერს, პოლიციამ მომხდარი სავარაუდო ტერორისტულ აქტად შეაფასა. პოლიციის პრესსპიკერის თქმით, თავდამსხმელი, ისრაელელი არაბი მოკლეს, მის მფლობელობაში არსებული ცეცხლსასროლი იარაღი იპოვეს.

ისრაელის მედიის ცნობით, მოკლულია მეორე ეჭვმიტანილიც.

„ადგილზე დიდი რაოდენობით საპოლიციო ძალები რჩებიან და ძებნა გრძელდება“, - ნათქვამია პოლიციის მიერ გავრცელებულ განცხადებაში.

პოლიცია საზოგადოებას სიფხიზლისკენ მოუწოდებს.

როგორც ადგილობრივი მედია იუწყება, 35 წლის გარდაცვლილი ისრაელის მოქალაქეა.