ისრაელის თავდაცვის ძალების ცნობით, ირანიდან გაშვებული ორი ბალისტიკური რაკეტა მოიგერიეს
ისრაელის თავდაცვის ძალების განცხადებით, ირანიდან გასროლილი ბალისტიკური რაკეტები დააფიქსირეს, - ინფორმაციას CNN-ი ავრცელებს.
თავდაცვის ძალების ცნობით, მათ ორი რაკეტა მოიგერიეს.
CNN-ი ინფორმირებულ წყაროზე დაყრდნობით იუწყება, რომ პრემიერ-მინისტრმა ბენიამინ ნეთანიაჰუმ საპასუხოდ უსაფრთხოების კონსულტაციები მოიწვია.
გასულ კვირას ირანი ისრაელზე პირდაპირი თავდასხმით დაიმუქრა, თუ ისრაელი ბეირუთს დაარტყამდა. ისრაელმა დღეს ლიბანის დედაქალაქს დაარტყა „ჰეზბოლას“ მიერ ჩრდილოეთ ისრაელისთვის გახსნილი ცეცხლის საპასუხოდ.
ისრაელის მთავრობამ გამოაცხადა, რომ ორშაბათს მთელი ქვეყნის მასშტაბით სკოლები დაიხურება. ისრაელის შიდა ფრონტის სარდლობამ მოსახლეობას თავშესაფრებთან სიახლოვეს დარჩენისკენ მოუწოდა.
