ირანმა ისრაელის მიმართულებით რაკეტების ახალი ტალღა გაისროლა, - ინფორმაციას CNN-ი ირანულ მედიაზე დაყრდნობით ავრცელებს.

CNN-ის ცნობით, ისრაელში სირენების ხმა ისმოდა.

მანამდე, დღეს დილით ცენტრალური ისრაელის მიმართულებით სარაკეტო იერიში განახორციელეს „ჰუსიტებმაც“.

დღეს დილით აფეთქებების ხმები ისმოდა ირანის რამდენიმე ქალაქში, მათ შორის დედაქალაქ თეირანში.

ცნობისთვის, ისრაელმა და ირანმა ერთმანეთის წინააღმდეგ იერიშები განაახლეს, რაც აპრილში გაფორმებული ზავის შემდეგ საომარი მოქმედებების ყველაზე მძიმე ესკალაციაა.