კანონპროექტის ინიციატორს უფლება ექნება მის მიერ საკანონმდებლო ინიციატივის წესით წარდგენილი პროექტი პარლამენტის პლენარულ სხდომაზე მისი მესამე მოსმენით მიღებამდე გაითხოვოს. ეს კი იმას ნიშნავს, რომ კანონის პროექტის დღის წესრიგიდან მოხსნისა და მისი უკან გათხოვის მიზნით, პროექტის კენჭისყრის გზით “ჩაგდება“ საჭირო აღარ იქნება.

პარლამენტის დღეს მოქმედი რეგლამენტის თანახმად, კანონპროექტის ინიციატორს უფლება აქვს სათანადო მოტივირებით კანონპროექტი პარლამენტის პლენარულ სხდომაზე პირველი მოსმენით მიღებამდე გამოითხოვოს. იმ შემთხვევაში კი, თუ პროექტი პირველი მოსმენით უკვე მიღებულია, მას ინიციატორი უკან ვეღარ გაიწვევს და უკვე კენჭნაყრელ პროექტზე გადაწყვეტილება თავად პარლამენტმა უნდა მიიღოს.

რეგლამენტში დაგეგმილი ცვლილებებით, კანონპროექტის ინიციატორს უფლება აქვს გაითხოვოს მის მიერ საკანონმდებლო ინიციატივის წესით წარდგენილი კანონპროექტი პარლამენტის პლენარულ სხდომაზე მისი მესამე მოსმენით მიღებამდე. ამ უფლებით სარგებლობისთვის აღნიშნული კანონპროექტის ყველა მოქმედი ინიციატორი, ხოლო თუ იგი საკანონმდებლო ინიციატივის წესით წარდგენილია ამომრჩეველთა მიერ, შესაბამისი საინიციატივო ჯგუფი, წერილობით მიმართავს პარლამენტის ბიუროს, რაც პარლამენტის ბიუროს სხდომის საოქმო ჩანაწერით გაფორმდება.