მარკო რუბიო - უკრაინაში ომმა ხელი შეუშალა რუსეთისა და აშშ-ის შესაძლებლობას, სხვა საკითხებზე საერთო ენა მოეძებნათ - გვსურს, რომ ეს ომი დასრულდეს
მარკო რუბიოს განცხადებით, ხვალ სერგეი ლავროვთან უკრაინაში ომის დასრულების საკითხს განიხილავს.
აშშ-ის სახელმწიფო მდივანმა მარკო რუბიომ ხვალ ფილიპინებში, რუსეთის საგარეო საქმეთა მინისტრ სერგეი ლავროვთან შეხვედრა დაადასტურა.
„ვფიქრობ, უკრაინაში ომმა მეტწილად ხელი შეუშალა რუსეთისა და აშშ-ის შესაძლებლობას, რომ სხვა საკითხებზე საერთო ენა მოეძებნათ. გვსურს, რომ ეს ომი დასრულდეს. მიგვაჩნია, რომ ამ ომის დასრულება რუსეთისთვისაც კარგი იქნება. აშშ კვლავ მზად არის, რომ ამ ომის დასასრულებლად კონსტრუქციული როლი შეასრულოს“, - განაცხადა რუბიომ.
ასევე, რუბიოს თქმით, აშშ და რუსეთი მსოფლიოს უმსხვილესი ბირთვული სახელმწიფოები არიან და მათ შორის დიალოგი უნდა შენარჩუნდეს.
„ჩვენთვის კომუნიკაციის არქონა უპასუხისმგებლობა იქნებოდა. რუსეთის მთავრობასთან ურთიერთობები უნდა შევინარჩუნოთ, იმ სფეროების არსებობის მიუხედავად, სადაც ერთმანეთს არ ვეთანხმებით“, - აღნიშნა აშშ-ის სახელმწიფო მდივანმა.
