„კოალიცია ცვლილებისთვის“ ერთ-ერთი ლიდერის, სასამართლოს უპატივცემლობის ფაქტზე ბრალდებულ ნიკა მელიას საქმეზე განაჩენი შესაძლოა ხვალ, 6 აგვისტოს, გამოცხადდეს.

სხდომა თბილისის საქალაქო სასამართლოში 13:00 საათზეა დანიშნული.

ამჯერად, მელიას სასამართლოს უპატივცემლობას, კერძოდ კი, ადმინისტრაციულ საქმეთა კოლეგიის მოსამართლისთვის, თორნიკე ქოჩქიანისთვის სიტყვიერი შეურაცხყოფის მიყენებას ედავებიან.

მელიას ბრალდება საქართველოს სისხლის სამართლის კოდექსის 366-ე მუხლის მე-2 ნაწილით (სასამართლოს უპატივცემულობა, რაც გამოიხატა მოსამართლის შეურაცხყოფით) წარედგინა, რაც სასჯელის სახედ და ზომად 2 წლამდე თავისუფლების აღკვეთას ითვალისწინებს.