„ძლიერი საქართველო - ლელო“ ბათუმში კულტურული მემკვიდრეობის ძეგლის იერსახის ცვლილებას აპროტესტებს , - ამის შესახებ “ძლიერი საქართველო-ლელოს“ განცხადებაშია ნათქვამი.

პრესსამსახურის ცნობით, ბათუმის ძველ უბანში, 1890 წელს აგებულ შენობის ფასადს ცვლიან.

როგორც „ძლიერი საქართველო - ლელოში“ განმარტავენ, მას შემდეგ, რაც დაწყებულმა სამუშაოებმა ბათუმელების პროტესტი გამოიწვია, ფასადი შეფუთეს.

„აღნიშნული შენობა არაერთ ინვესტორზე გასხვისდა, საბოლოოდ, შენობის შიდა ნაწილი მთლიანად დაინგრა. რაც უნიკალურ ძეგლს ავთენტურობას უნარჩუნებდა, გამსახურდიას და კოსტავას გადაკვეთაზე შემორჩენილი ფასადი იყო. ოპოზიციური პარტიის წევრები „ქართული ოცნების“ პირობებში, ბათუმის მიზანმიმართულ დამახინჯებაზე საუბრობენ. პარტია აჭარის კულტურული მემკვიდრეობის სააგენტოს და ბათუმის მერიას მიმართავს, გაასაჯაროონ, თუ რა სახის სამუშოებზე იყო გაცემული ნებართვა და პასუხისმგებლობა აიღონ“, - აღნიშნავენ „ძლიერი საქართველო - ლელოში“.