უკრაინის პრეზიდენტმა, ვოლოდიმირ ზელენსკიმ განაცხადა, რომ აშშ-სთან უკრაინის ომთან დაკავშირებით სამშვიდობო მოლაპარაკებები „ძალიან არსებითი“ იყო.

უკრაინის პრეზიდენტის თქმით, ამერიკელებმა და მისმა გუნდმა განიხილეს საჰაერო თავდაცვის რაკეტების მიწოდებისა და ზამთრის მხარდაჭერის პაკეტის საკითხი.

ზელენსკის განცხადებით, უკრაინულმა და ამერიკულმა გუნდებმა ისაუბრეს კიევის უსაფრთხოებისა და ეკონომიკური გარანტიების, ასევე, კეთილდღეობის გეგმაზე.

ზელენსკის თქმით, ამერიკელებმა და ევროპელებმა აღნიშნეს, რომ უკრაინა გაძლიერდა.

უკრაინის ლიდერმა ასევე დასძინა: „ჩვენ ყველაფერი უნდა გავაკეთოთ რუსეთთან სამმხრივი შეხვედრების ჩასატარებლად... უნდა ვნახოთ, რას იტყვის რუსეთი“.

ზელენსკი იმედოვნებს, რომ აშშ-ის სამშვიდობო მომლაპარაკებლები კიევში დაბრუნდებიან.

როგორც ცნობილია, კიევში ამერიკულ მხარეს ხელმძღვანელობდნენ პრეზიდენტ დონალდ ტრამპის წარმომადგენელი სტივ უიტკოფი და ამერიკის პრეზიდენტის სიძე ჯარედ კუშნერი.