„ქართული ოცნების“ თავმჯდომარის, პრემიერ-მინისტრ ირაკლი კობახიძის განცხადებით, როგორც პოლიტსაბჭოს, ისე უმრავლესობის სხდომაზე განიხილეს მიმდინარე საშინაო და საგარეო პოლიტიკური საკითხები.

როგორც კობახიძემ პოლიტსაბჭოს და უმრავლესობის სხდომების დასრულების შემდეგ პრესკონფერენციაზე განაცხადა, როგორც პოლიტსაბჭოს, ისე საპარლამენტო უმრავლესობის წევრებისთვის ძალიან მნიშვნელოვანი იყო უშუალოდ ბიძინა ივანიშვილისგან მოესმინათ მისი შეხედულებები და დამოკიდებულება.

„ორივე შეხვედრას ესწრებოდა და უძღვებოდა პარტიის საპატიო თავმჯდომარე ბატონი ბიძინა ივანიშვილი. ამ შეხვედრების მიზანი იყო მიმდინარე საკითხების განხილვა. ორივე ფორმატში განხილული იქნა როგორც საშინაო, ისე საგარეო პოლიტიკის მიმდინარე საკითხები. როგორც პოლიტსაბჭოს, ისე საპარლამენტო უმრავლესობის წევრებისთვის ძალიან მნიშვნელოვანი იყო უშუალოდ ბატონი ბიძინა ივანიშვილისგან მოესმინათ მისი შეხედულებები, დამოკიდებულება და ორივე შეხვედრა წარიმართა დისკუსიის ფორმატში, ძალიან საინტერესოდ”,- განაცხადა კობახიძემ.