მედეა მეტრეველი

„ძლიერი საქართველოს“ პოლიტიკური საბჭოს წევრი, ფილოლოგიის მეცნიერებათა დოქტორი, ელინისტი. კულტურის მენეჯმენტში მუშაობის მრავალწლიანი გამოცდილებით. ქართული ლიტერატურის პოპულარიზაციაში შეტანილი წვლილისთვის 2018 წელს მიენიჭა საქართველოს პრეზიდენტის ღირსების ორდენი.

2014-2019 წლებში სსიპ ქართული წიგნის ეროვნული ცენტრის დირექტორად მუშაობის პერიოდში უძღვებოდა ქართული ლიტერატურის უცხო ენებზე თარგმნისა და პოპულარიზაციის პროექტებს და საქართველოს მონაწილეობას საერთაშორისო წიგნის ბაზრობებზე - ამ პერიოდში ითარგმანა და გამოიცა 300-ზე მეტი ქართული ლიტერატურული ნაწარმოები და წიგნი არაერთ უცხო ენაზე, რომელთა შესახებ ათასობით რეცენზია გამოიცა მსოფლისო სხვადასხვა ქვეყანაში.

2015-2018 წლებში ხელმძღვანელობდა 2018 წლის ფრანკფურტის წიგნის ბაზრობაზე საქართველოს საპატიო სტუმარი ქვეყნის პროექტს, რომელმაც საუკეთესო საერთაშორისო შეფასება დაიმსახურა და ევროკავშრის უმაღლესი წარმომადგენლის ფედერეკა მოგერინის მიერ ევროკავშირის 2018 წლის ერთ-ერთ უმნიშვნელოვანეს მოვლენად დასახელდა.

2003 - 2017 წლებში პედაგოგიურ საქმიანობას ეწეოდა ივანე ჯავახიშვილის თბილისი სახელმწიფო უნივერსიტეტში ახალი ბერძნული ფილოლოგიის კათედრაზე. მედე მეტრეველი არის არაერთი სამეცნიერო ნაშრომის და პუბლიკაციის ავტორი.

2019 წლიდან არის ააიპ ქართული ლიტერატურული ინიციატივის დირექტორი.

2020 წლიდან არის ევროკომისიის კულტურული პროგრამების ექსპერტი.