რუსეთის საოკუპაციო ნაწილებმა ზემო აფხაზეთის მიმართულებით სამხედრო ოპერაცია დაიწყეს.

რუსეთის პოლიტიკური ხელმძღვანელობის დავალების შესაბამისად, რუსეთის თავდაცვის სამინისტროს გენერალური შტაბის განკარგულებით, აფხაზურმა შენაერთებმა და რუსეთის საოკუპაციო ნაწილებმა კოდორი დღეს, დღის ბოლომდე უნდა აიღონ.

ზემო აფხაზეთის სოფლებზე საარტილერიო და საავიაციო დარტყმები განხორციელდა. არსებული ინფორმაციით, ქართული საპოლიციო ნაწილები ამ ეტაპზე საოკუპაციო ჯარებს წინააღმდეგობას უწევენ. თუმცა აფხაზეთისა და რუსეთის გაერთიანებულმა სახმელეთო ჯარების ნაწილებმა ზემო აფხაზეთისკენ დაიწყეს გადაადგილება.

აფხაზური მხარის მტკიცებით, ქართველი პოლიციელების ერთი ნაწილი ალყაშია მოქცეული. “ეხო მოსკვისთან” საუბარში დე-ფაქტო პრეზიდენტმა სერგეი შამბამ განაცხადა, რომ “კოდორის ოპერაციის შედეგებზე საუბარი ჯერჯერობით ნაადრევია”.

პარალელურად რუსული საინფორმაციო წყაროები იტობინებიან, რომ ოპერაციის გარკვეული ფაზა დასრულდა და აფხაზურმა შენაერთებმა კოდორის ხეობის რამდენიმე მნიშვნელოვანი ადგილი დაიკავეს.