შავი ზღვის ქუჩას დღეს ლეხ კაჩინსკის სახელი;ეწოდა.

ქუჩაზე შესბამისი მემორიალური წარწერა გაკეთდა. ოფიციალურ ცერემონიას; დედაქალაქის მერი გიგი უგულავა და პოლონეთის ელჩი საქართველოში ურშულა დოროშევსკა დაესწრნენ.

პოლონეთის ელჩმა აღნიშნული ფაქტის გამო ქართველი ხალხის მიმართ მადლიერება გამოხატა.

ქუჩისთვის სახელის გადარქმევის გადაწყვეტილება თბილისის საკრებულომ 26 აპრილს მიიღო.

თვითმფრინავმა ტუ-154-მა, რომლითაც პოლონეთის პრეზიდენტი ლეხ კაჩინსკი მეუღლესთან და ოფიციალურ დელეგაციასთან ერთად იმყოფებოდა, სმოლენსკთან მიმდინარე წლის 10 აპრილს კატასტროფა განიცადა. დაიღუპა თვითმფრინავის ყველა მგზავრი. კატასტროფის გამომწვევი ოფიციალური მიზეზები ჯერ; უცნობია.