ჭაბუა ამირეჯიბი ბერად აღიკვეცება
ცნობილი მწერალი და საზოგადო მოღვაწე ჭაბუა ამირეჯიბი ბერად აღიკვეცება .
როგორც "ინტერპრესნიუსს" წარმომადგენლობითი სახალხო კრებიდან აცნობეს, ჭაბუა ამირეჯიბი, ძველი ქართული ტრადიციების თანახმად, სასულიერო წოდებას მიიღებს.
ბერად აღკვეცის ცერემონიას საქართველოს საპატრიარქოს წარმომადგენლები დღეს მისივე სახლში, გურამიშვილის ქუჩის #8-ში შეასრულებენ.
ჭაბუა ამირეჯიბი 1921 წლის 18 ნოემბერს დაიბადა. მწერლის უმნიშვნელოვანესი ნაწარმოებებია "დათა თუთაშხია", "გორა მბორგალი", გიორგი ბრწყინვალე". ჭაბუა ამირეჯიბი არის სსრკ-ს სახელმწიფო პრემიის ლაურეატი, შოთა რუსთაველის სახელმწიფო პრემიის ლაურეატი, ღირსების ორდენის კავალერი.
ჭაბუა ამირეჯიბის ინიციატივით უკანასკნელ პერიოდში წარმომადგენლობითი სახალხო კრება ჩამოყალიბდა, რომელიც ხელისუფლებისადმი ოპოზიციურად განწყობილი ორგანიზაციაა.
v-if="article.gallery" v-html="article.gallery"
